Bota e Vipave

Që mes Sonit dhe modeles Skandinada Lala ka një miqësi të mirë prej kohësh, kjo tashmë dihet. Dy miqtë kanë qenë këtë mesjavë në ambientet e “Caramel”, një ndër vendet e tyre më të preferuara. Por këtë herë, Skandinada ka qenë e shoqëruar edhe nga një mikja e saj, të cilën nuk ka ngurruar t’ia prezantojë edhe Sonit. Biseda ka qenë shumë e ngrohtë, ndërsa menjëherë në tavolinë kanë nisur shakatë dhe batutat në drejtim të njëri-tjetrit, madje Soni është miqësuar menjëherë me vajzën e re. Më pas me ta janë bashkuar edhe të tjerë miq, duke kaluar një pasdite jave të këndshme në shoqërinë e njëri-tjetrit. Soni, tashmë i njohur nga të gjithë si pjesëtari i “The Dreams”, është një prej më “besnikëve” të grupit. Pa u shkëputur asnjëherë nga “The Dreams”, ai punon njëkohësisht edhe tek Radio Energy, ndërkohë që nuk ka munguar as në mesazhe të ndryshme promocionale të shfaqura në ekran.

Marre nga: Bluetooth