Bota e Vipave

Çfarë raporti kanë personazhet të famshëm me vetminë?! Flasin Ernis Çili, Eneda Tarifa, Hygerta Sako

“Vetmia rri kaq shumë me mua, sa më është bërë shoqe e pandarë”, kështu nis një këngë e vjetër franceze. Por edhe për disa syresh mund të kthehet në mikeshën besnike që nuk e tradhton kurrë dhe nuk mërzitet prej tradhtive të njeriut, duke u kthyer në shoqen e jetës. 

Nga ana tjetër, jo të gjithë e pëlqejnë vetminë. Disa e kanë frikë. Të tjerët e kërkojnë, që të mund të punojnë në artin e tyre. VIP-at shqiptarë rrëfejnë se çfarë ndodh me ta jashtë ekranit. E njëjta dhomë, i njëjti vend ku rri ulur e sheh atë që e njeh shumë mirë edhe me sy mbyllur, raftet, nuancat e perdes, vazon e vjetër në qoshe dhe të gjitha krisjet që duken mbi të. Mund të ekzaltosh resurset e tua, por dhe të trishtohesh pa fund. Kjo s’është gjithmonë një çështje zgjedhjeje.

Të gjithë e njohin vetminë. Kanë me të marrëdhënie të veçanta: ditarin, ndjenja të kundërta ose dhe të njëjta. Po personat e famshëm, ata që është e vështirë të ndodhen jashtë vëmendjes së të tjerëve, çfarë raporti kanë me vetminë? Lidhur me argumentin në fjalë, Ernis Çili ndjen vetmi për hir të muzikës. Dikur një frekuentues i rregullt i mjediseve të zhurmshme, tani një kërkues i palodhur qetësie. Çdo ditë e Ernisit është aktive, më e gjatë se vetja dhe me një kolonë zanore gati të përhershme që ia vendosin angazhimet e tij. Por kushdo që e njeh Ernisin, e di që ai do që t’i respektohet hapësira që i lë vetes: një apo dy orë për t’u çlodhur, për të qëndruar vetëm, për të medituar. Atij i pëlqen vetmia. Është një gjendje që Ernisin besimtar e lë të mendojë për Zotin, Ernisin kantautor e mbush me frymëzim, djalin e qetë e ndihmon të gjejë veten. “Unë jam i lidhur me vetminë, vetëm atëherë mund të krijoj. Çdo këngë e kam realizuar në vetmi dhe kam shumë kujtime të bukura nga ajo”. Vetmia e pastër atë nuk e shqetëson, përkundrazi, do të donte ta kishte më shpesh gjatë ditës, ku pak kohë i ngelet të zgjedhë spontanitetin, sepse dita i organizohet sipas zgjedhjeve që ka bërë më parë. Ndonjëherë ndodh ta trishtojë ajo, kur e ndjen në formën e një mungese, të një pranie që s’e mbush, të njerëzve që e rrethojnë, por që nuk janë ata që ai do të shohë. “Jam duke punuar dhe gjithandej ka njerëz, zëra e muzikë, por unë e kam mendjen diku tjetër, diku ku s’mund të jem, mendoj për dikë që atë çast s’është aty dhe kjo më bën të ndihem vetëm. Nëse ka diçka që s’e dua tek vetmia, është kur e shoh me këtë sy”.

Këngëtarja e njohur e skenës, Eneda Tarifa, thotë se “e shijon vetminë”. Edhe pse mund të ngjasojë me titullin e një kënge, nuk është e tillë. Po s’jemi shumë larg, se janë fjalët e Eneda Tarifës. Stilit të saj elegant që e ka shfaqur në prezantimet në skenë, i shton diçka të re që i zbulon karakterit: raportin e ngushtë me vetminë. Pa stërhollime, thjesht e pëlqen. “Kam shumë gjëra për t’u marrë me veten dhe vetmia ma mundëson”. Duket si një pikë takimi, që bashkon një veçori të përbashkët të karaktereve të ndryshme njerëzore, por në rastin e saj, ashtu si mund t’u ndodhë edhe artistëve të tjerë, kjo vetmi merr një vlerë më tepër, bëhet katalizator i muzave që gëlojnë, sapo fantazia dhe ndjesitë lirohen nga e përditshmja. Megjithëse e pëlqen, nuk e kërkon vetminë, por rastësisë i lë të lirë çdo rrugë, që kur ta gjejë vetminë diku, t’ia sjellë dhe ajo ta shijojë me ëndjen e vet. I ndodh ndonjëherë të ndihet vetëm edhe mes njerëzve, por e quan këtë si diçka të zakonshme që ndodh sa herë “je me ta, por nuk je me ta”. Është gati e vështirë për të, të kujtojë kur vetmia e ka trishtuar, sepse gjithmonë ka diçka për të bërë, që plotëson me kënaqësi atë gjendje që mjaft të tjerë e barazojnë me trishtimin. Këtë s’e bën aspak me mundim, sepse i vjen natyrshëm një shpirti që lidhjen me vetminë s’e ka të panjohur apo të lodhshme, por relaksuese, të lirë e të dashur.

Fanatikët e spektakleve “Miss Albania” duhet të mbajnë mend që, në çastin e parë të fitores së këtij titulli bukurie, kur Hygerta hodhi hapin e parë në rrugën “Njerëz të njohur”, tha mes emocionesh “Uaaa mami!”. Mund të kuptohej që atëherë, se ajo është  një vajzë që ka nevojë për njerëz pranë, por duke biseduar me atë, zbulon se kjo nevojë është më tepër se kaq, dhe kjo përbën mënyrën e jetesës që ajo ka pëlqyer gjithmonë: mes njerëzish, mes zhurmës e gjallërisë. Aty ajo ka ndërtuar që fëmijë raporte të mira me veten, për t’i prishur ato, deri në bezdi e inat me vetminë.  “Edhe plazhi më pëlqen me njerëz, edhe lokalet më pëlqejnë të mbushur plot, edhe rrugët i dua me njerëz”, flet ajo për mjediset, por duke treguar në fakt veçorinë e personalitetit të saj. Mërzisë nuk ia ka nevojën, as në çaste të vështira, kur ka nevojë të reflektojë, sepse e bën këtë për mrekulli mes zhurmës e njerëzve, rëndësi ka që ajo mos të ngelet vetëm me problemet e saj. Hygerta zgjedh të qëndrojë vetëm, thjesht kur ka nevojë të qetësohet, ndërsa e gjithë pjesa tjetër e ditës është bërë për të, që ta ndajë me njerëz. “Vetminë nuk e dua as brenda vetes, as përreth meje”. Gati fobike, ajo shmang demonin e vetmisë me dritën e familjes e shoqërisë. Mërzia më e vogël e ditës, është për të arsyeja më e fortë për të folur dhe takuar njerëzit e dashur. Kështu, vetmia dhe bukuroshja shihen rrallë dhe ftohtë, nuk duhen fare!

Marre nga Panorama

Ashtu sic eshte deklaruar ne mediat belge, ka shume gjasa qe Besnik Hasi te behet zv/trajneri i ri i Anderlehtit ne sezonin e ardhshem. Menaxheri i Anderlehtit, Van Holsbek eshte i interesuar per mesfushorin e Serkel Bryxhit, por nuk ka dashur te bisedoje me Hasin. Kete do ta beje vetem pas kesaj fundjave. Nga ana e tij, Herman Van Holsbek nuk kerkon te perhape konfuzion perpara ndeshjes mes dy skuadrave: “Nuk do te flas perpara ndeshjes, por vetem pas saj. Besnik Hasi ka profilin per te qene zevendestrajner i Anderlehtit”. Mos harrojme se Hasi ka nje kontrate deri ne vitin 2009 me Serkelin dhe se eshte cituar te jete zevendes trajneri i De Boek ne sezonin e ardhshem.

Leonardi është banori i tretë që lë shtëpinë e “Big Brother”. Pas dy femrave, Ingridit dhe Junës, Leonardi është i pari nga 7 meshkujt që del jashtë shtëpie. Gjatë daljes, ai ka kërkuar që deri te dera ta shoqërojë Najada, e kjo “dëshirë e fundit” i është plotësuar pa një pa dy nga drejtuesja e spektaklit, Arbana Osmani. Krah për krah, ata dolën në oborr e më pas, pas një përqafimi tejet miqësor janë ndarë; Najada rikthehet brenda e Leonardi del jashtë duke u takuar fillimisht me prezantuesin e dytë, Eno Popi, i cili i serviri atij një montazh me momentet më të veçanta në shtëpi.

Sakaq, shtëpia është shtuar me dy banorë të rinj: me Mardiola Baçon nga Vlora dhe me Ilda Gegën nga Tropoja, e cila kishte jetuar 11 vjet në Boston.

Por, ndër momentet më të veçanta mbrëmë, ishte përballja e Olsit me të dashurën e tij, e cila i komunikoi ndarjen përfundimtare në ambientet e magazinës së shtëpisë. Nëse mes tyre nuk do ishte një paret xhami mes tyre ndoshta do kishte dhe përplasje fizike. E dashura e Olsit iu hakërrye atij duke e cilësuar të padenjë për të vijuar më tej raportin. Ky reagim i saj që kishte si kryefjalë shprehjen stereotipe: “mes nesh ka marrë fund gjithçka”, ishte si shkak jo vetëm për raportet e Olsit me Najadën, por dhe me të tjera në shtëpi.

Spektakli i mbrëmshëm i “Big Brother Albania”, shënoi kalimin e lojës në një fazë më emocionuese. Pritet të ketë zhvillime të reja, tashmë që tre banorë janë larguar e dy të rinj janë shtuar. Krahas këtyre, është shtuar dhe lufta e “heshtur” brenda shtëpisë e që pritet nga dita në ditë të shpërthejë. Deri më tani, zhvillimet e brendshme, janë konsideruar të vakëta, për shkak se banorët priren të kenë kujdes, të mos rrezikojnë, të mos i afirmohen publikut dhe njëri-tjetrit me të metat e tyre. Por krahas njohjes që sa vjen e bëhet më e plotë për njëri-tjetrin, dalin në pah dhe mangësitë e veset e shumta, që i bëjnë banorët të kenë përplasje të ndërsjella, gjithnjë për të arritur të mbijetojnë deri në fund.

Mbrëmë në spektakël, banorët u prezantuan para publikut me veshje të veçanta, më së shumti popullore tradicionale. Në sallën e spektaklit që ishte mbushur plot, ndodheshin dhe familjarët e miqtë e secilit banor.

Në sallë po ashtu ishin dhe dy banoret e para që lanë shtëpinë, Ingridi dhe Juna, të cilat shprehën opinionet e tyre rreth banorëve, ish-miqve të tyre, duke i parë ata nga jashtë. Juna tha se ishte e përmalluar nga jeta në shtëpi e se do dëshironte të ishte sërish aty. Ajo tha se nuk kishte pësuar asnjë zhgënjim në sjelljet e tyre duke i parë ata nga jashtë.

Drejtuesja e spektaklit, Arbana Osmani, me nurin e një show-girl-i të vërtetë u dha banorëve lajmin e mirë të fitimit të lojës së javës, që shtonte dhe buxhetin e javës. Ajo gjithashtu, intervistoi të nominuarit e javës e veçanërisht, Rominën, rekordmenen e nominimit.

Një ndër momentet më emocionuese të spektaklit ishte dhe një përballje vizuale e Astritit me familjen. Atij iu shfaq në monitor djali i vogël e më pas bashkëshortja që e përshëndeste dhe i thoshte që si ajo e si djali ishte mirë. Këtë moment, Astriti e kaloi duke u përlotur aq sa u bë qull nga sytë e poshtë. Astriti pati pas këtij çasti dhe një moment ekzaltues: atij iu komunikua se mund të qëndronte në shtëpi dhe të vijonte konkurrimin. Pas tij, ishte Romina që e mori lajmin e madh të qëndrimit në shtëpi. Pra, duke evituar për të tretën herë daljen nga shtëpia. Në këtë pikë, Romina mbetet banori më interesant: Ajo nominohet rregullisht dhe po rregullisht i shpëton daljes. Për këtë arsye, përfoljet më të shumta nga banorët e shtëpisë janë rreth personit të saj. Dhe është e natyrshme: të gjithëve u bën përshtypje se si po luan fati me të; të gjithë dyshojnë se ajo fsheh aftësi të çuditshme për ta përballuar sfidën e publikut, duke kalkuluar me sjellje jo të zakonta në shtëpi. Aspak duke u fshehur; madje duke bërë protagonisten në çdo situatë. Por tashmë, në ditët e në javët që vijojnë do pritet dhe një portretizim akoma dhe më tërheqës e interesant: ai i Olsit, të cilit, “lamtumira” e së dashurës, i ka lënë një shije të hidhur në këtë sfidë të vështirë. E ndoshta pikërisht për këtë, vëmendja e publikut do përqendrohet te sjellja e tij, si personi më i ekspozuar karshi gjykimeve, për mirë ose për keq.

Cili është Nardi, që mbrëmë ish-bojaxhiu i “Big Brother”?

Leonard Osmanlliu

Lindur në Tiranë më 31.01.1980

Leonardi është një njeri fare i thjeshtë. Beqar. Ai vjen nga një lagje e Tiranës së vjetër. Ka bërë shkollën e mesme “Partizani” në Tiranë. Ka qenë 10 vjet emigrant në Greqi, ku ka punuar si bojaxhi. Një fatkeqësi familjare e sjell atë në Tiranë në vitin 2007 për të mos u kthyer më në Greqi. Pasi erdhi në Shqipëri gjeti një punë si bojaxhi, punë të cilën e vazhdoi deri në momentin që u përzgjodh për t‘u futur në shtëpinë e “Big Brother”-it. Leonardi është një çun i thjeshtë tiranas, që kohën e kalon te lagjja e tij me shokët në kafene, duke parë sport e duke biseduar për hallet e përditshme të shqiptarëve. Ëndrra e tij më e madhe do të ishte të bëhej aktor, e pse jo aktor i “Portokallisë”, pasi të përfundonte aventura e tij në “Big Brother”.

Një koncert humanitar në ndihmë të banorëve të fshatit Gërdec që u dëmtuan në 15 mars nga shpërthimi i një fabrikë të çmontimit të municioneve ushtarake, do të organizohet në Pallatin e Kongreseve në Tiranë. Me të ardhurat që do të fitohen nga koncerti do të ngrihet kopshti i fëmijëve “Zemra e artistëve” në Gërdec. Ideatorë të këtij koncerti, një aktivitet që ka një mision të tillë të përcaktuar që rrallë ndodh në Shqipëri, janë artistët e njohur Frederik, Rita dhe Juli Ndoci. Në këtë koncert bamirësie familja e artistëve Ndoci ka ftuar të marrin pjesë në këtë maratonë humanitare për fëmijët, edhe shumë artistë shqiptarë.Të kthyera disa ditë më parë nga Gjermania ku jetojnë motrat Ndoci, nuk kanë hezituar të ndërmarrin një nismë për zhvillimin e këtij koncerti, të cilat njëkohësisht janë të mbështetura nga vëllai i tyre këngëtari i njohur Frederik Ndoci, një artist më se i dashur për shqiptarët, i cili dy vjet më parë prezantoi Shqipërinë në Festivalin Evropian me këngën “Balada e Gurit”. I nominuar 12 herë për çmimet Gramy, artisti Frederik Ndoci, i cili jetoi për disa vite në SHBA ka nxjerrë në tregun muzikor të paktën shtatë CD muzikore më se të pëlqyera për publikun ndërkohë që ai ka qenë protagonist edhe në një fushatë tjetër humanitare të zhvilluar në SHBA në ndihmë të familjes së këngëtares Anita Bitri, e cila vdiq atje katër vjet më parë tragjikisht së bashku me vajzën e saj. Koncerti me këtë mision të madh humanitar në ndihmë të banorëve të fshatit Gërdec ku pak ditë më parë ndodhi tragjedia, do të transmetohet në valët e Televizionit Publik Shqiptar. Ky aktivitet i rëndësishëm, i cili përmes tingujve muzikorë kërkon që të lehtësojë dhimbjen do të drejtohet nga artistët Frederik dhe Rita Ndoci. Por një emër tjetër i njohur i botës muzikore do të jetë pjesë i këtij koncerti të madh humanitar që do të jetë skenaristi i tij, Agim Doçi .Sipas parashikimeve mendohet të ketë një pjesëmarrje absolute jo vetëm të artistëve shqiptarë, por edhe të biznesmenëve dhe njerëzve të thjeshtë. Koncerti humanitar në ndihmë të banorëve të fshatit Gërdec që u dëmtuan në 15 mars nga shpërthimi i një fabrikë të çmontimit të municioneve ushtarake, do të organizohet mbrëmjen e sotme në Pallatin e Kongreseve në Tiranë, ndërkohë që të ardhurat e grumbulluara do të përdoren për të ngritur një kopsht fëmijësh që do të mbajë emrin “Zemra e artistëve”, por që do të ndërtohet falë zërave të artistëve. Kopshti i fëmijëve që do të ndërtohet në vendin e fatkeqësisë ku deri tani rezultojnë të vdekur 25 persona dhe ku disa qindra të tjerë janë plagosur dhe kanë humbur shtëpitë e tyre, mendohet të jetë një kopsht model ku do të jenë të shkruar edhe emrat e artistëve apo kontribuuesve të kësaj iniciative humanitare me protagoniste familjen Ndoci. Koncerti humanitar do të jetë i pari i këtij lloji që do të organizohet në vendin tonë, i cili me kontributin e tij do të mundohet që të largojë sadopak dhimbjen e banorëve të fshatit Gërdec. Në ndihmë të banorëve të tragjedisë që u shkaktua në datën 15 mars, kanë qenë të shumtë artistët që kanë kontribuar në ndihmë të banorëve të kësaj tragjedie. Të gjithë janë munduar brenda mundësive të tyre që të jenë pjesë e kontributit që për shumë ditë ka shkuar në ndihmë të banorëve të Gërdecit. Në morinë e shumë artistëve, këngëtarja e talentuar Greta Koçi ka vendosur që një shumë të konsiderueshme lekësh të fituara nga një çmim, t’ia japë banorëve të Gërdecit. Në ndihmë të banorëve të prekur nga tragjedia e Gërdecit, një humanizëm i madh është ofruar nga shumë njerëz të thjeshtë të cilët brenda mundësive të tyre janë munduar që të kontribuojnë për banorët e Gërdecit. Gjatë këtyre ditëve emisione të ndryshme televizive që kanë pasur të ftuar në panelin e tyre dhe shumë artistë, janë munduar që të organizojnë sa më shumë humanizëm në ndihmë të banorëve. Ndërkaq koncerti i mbrëmjes së sotme ku do të ketë një pjesëmarrje të shumë artistëve është i pari që organizohet për këtë tragjedi dhe do të jetë një koncert, i cili me humanizmin e madh të artistëve do të shkojë në ndihmë të banorëve të Gërdecit.

Tre milione sterlina, qe te kembyera jane me pak se 4 milione euro, per t’i thene me ne fund “po” te fejuares Kolin MekLauglin. Kjo eshte shifra qe do te derdhe Ujeni Runi pas kater ditesh plot feste ne Jug te Frances, ku, sipas asaj qe thote “The Sun”, do te zhvillohet ceremonia.

Top-secret

Ashtu sikur emri i madh te imponon, vendi i marteses eshte ende top-secret (e dine vetem ata qe martohen, familjaret me te ngushte dhe me siguri, agjencia e Mancesterit, qe po e organizonte), ashtu sic perben mister edhe data e caktuar per festimet, te ftuarve (rreth 60 vete, midis te cileve boksieri Riki Haton dhe lojtaret e Mancester Junajtid me grate e te dashurat e tyre, do te transportohen ne Bregun e Kalter te Frances me nje xhet privat), u eshte thene qe te rrine te lire mes dates 10 e 14 qershor, edhe pse e gjithe hamendja te con se dita e madhe do te jete 12 qershori. Zgjedhja e vendit eshte bere nga Kolin, qe, pas muajsh te tere kerkimesh ne France e Itali, ka vendosur per nje lokalitet transalpin.

Shampanje e barbekju

“Kolin e Uejni shkojne rregullisht me pushime ne jug te Frances - ka cituar gazeta burimin anonim - dhe prandaj i njoh mire keto vende”. Asnje dyshim per veshjen: do te jete nje krijim ngjyre fildishi prej 127000 eurosh nga shtepia e modes njujorkeze “Marchesa”. Duke i qendruar tregimit te tabloidit, festimet para dhe pas martese perfshijne edhe nje ballo te kesaj teme, me te ftuarit ne dress-code bardhezi, vakte me baze shampanje e barbekju ne natyre. “Teorikisht, ka vazhduar “spiuni”, ne ditet e marteses duhet te jete kohe e mire. Tek e fundit, Kolin i ka shtrire festimet ne kater dite, sepse te ftuarit do te vijne nga larg dhe u duhet te udhetojne”.

Ekskluzivja “OK!”

Llogaria milionere e marteses do te mbulohet pjeserisht nga ekskluzivia prej 3,2 milione eurosh qe cifti ka vendosur t’ia shese revistes “OK!” edhe pse nje pjese e atyre parave do te shkojne per bamiresi. Ashtu sic ligesisht tregon tabloidi, e vetmja arsye qe Runi ka vendosur te martohet me te fejuaren e tij historike (qe i ka thene “Daily Mirror” se nuk ka aspak ndermend te quhet Kolin Runi, porse do te mbaje mbiemrin e saj te vajzerise, pasi eshte shnderruar ne marke suksesi) ka te beje me faktin se Anglia eshte spektatore e evropianit.

Marre nga Koha Jone

Njera italiane dhe tjetra paraguajane. Te perbashket, vec faktit qe jane yll te bukura, kane edhe ceshtjet e zemres. Flasim per Debora Salvalaxho dhe Klaudia Galanti. E para e ka bere Simone Inzagin te humbase koken, e dyta vellait Pipo. Te dyja tregojne per “Chi” detaje te historise se tyre. Dhe dalin disa diferenca. Mes 22-vjecares Salvalaxho dhe Simones historia ka marre fund. “Nuk isha e dashuruar. Ose me mire, nuk ishte nje histori e rendesishme. U ndame perpara se te nisesha per tek “Ishulli i te famshmeve”. Pata thene se ishim te fejuar, por beja blof. Kisha frike se mos dyshohej per nje histori me Francesko Kokon. Simone u kthye tek une, por jo une tek ai. Jam e re, kam deshire te defrehem. Ai eshte me i madh dhe ka nje djale”. Me mire Mateo Ferrari, tregon Debora. “Qe kur u ndame, nuk kam mundur te dashurohem me. Me te kam nje raport te mire. Sigurisht qe Aida Jespika nuk eshte nje mikesha ime”. Me romantike 26-vjecarja Klaudia. “Pipo eshte nje djale i mire dhe di se si joshet nje femer. Kur e kam njohur, nuk e dija se ishte futbollist. E kam takuar ne nje lokal ne Milano dhe ai u afrua me mua. Pushimet e pashkeve bashke? No Comment. Kam qene ne Milano Maritima, por nuk e them se me ke”.

Tani flet babai. Pas lajmit te bujshem se 400 trendafila i jane dhene vajzes se tij nga ana e Antoni Kasanon, e merr fjalen babai i shtatembedhjetevjecares lojtare vaterpoli nga Nervi. Prindi, i shqetesuar per publicitetin qe mund te demtoje vajzen, nderhyn me sparkate dhe pastron zonen nga dyshimet: “Vajza ime (C.M) dhe Kasano jane vetem miq, tregon per “Secoli XIX”, dhe jane njohur pak kohe me pare ne piceri. Edhe une e kam njohur Kasanon. Me duket nje djale shume simpatik. Dua te theksoj se mes tyre nuk ka asgje, njihen dhe frekuentohen. Eshte nje miqesi ashtu sic mund te jete mes dy femijeve te moshes se tyre. Por nga ketu, e deri te sajesat ka shume hendek”. Ne Nervi keto dite flitet per gje tjeter. Ai e josh si nje xhentelmen i koherave te vjetra, eshte galant, i sjellshem, e pret jashte pishines si dhe jashte shkolles (vajza frekuenton shkollen e mesme). Vetem nje miqesi per babane. Dicka me shume per vezhguesit e zones. Kush do te kete te drejte. Pergjigjen do ta marrim ne tufen tjeter te trendafilave…

Getoar Selimi, anëtari i grupit “Tingulli 3”, flitet se kohët e fundit ka nisur një lidhje të re dashurie, e cila po e përfshin të tërin. Ai është duke u frekuentuar me Hanën, një vajzë mjaft simpatike nga Prishtina. Të dhënat e fundit mbi Hanën flasin se ka qenë prezantuese deri para pak kohësh në një emision radioteleviziv në Kosovë, kushtuar adoleshentëve. Nuk është parë më nën rolin e prezantueses në këtë emision, ndërsa të njohurit e saj thonë se tashmë veç radios ka gjetur një dashuri të re, që është Getoari. Hana është aq e këndshme fizikisht, saqë ka arritur të punësohet në rolin e manekines për të reklamuar veshje të ndryshme e firmato, në dyqanet më në zë në Kosovë. Getoari edhe këtë radhë ka ditur se ku t’i hedhë sytë, po të kemi parasysh faktin se të gjitha lidhjet që ai ka pasur, flasin për vajza të bukura dhe tërheqëse.

Dy vajzat bukuroshe, këngëtaret Çiljeta Xhilaga dhe Bleona Qerreti, kohët e fundit janë parë  shpeshherë duke vizituar studion tashmë të njohur “Gramafon Entertainment”, e cila menaxhohet nga Genc Prelvukaj, anëtari i grupit të mirënjohur kosovar “Etno Engjujt”. Genci tashmë ka shkruar mbi 500 tekste këngësh që nga viti 2001, për shumë këngëtarë të njohur, ndër të cilët përmendim: Zanfina Ismajlin, Vesa Lumën, Bleona Qerretin, Dafina Zeqirin, Mirsa Kërcelin, Hekuran Krasniqin, Maciato Band, Ramadan Krasniqin e shumë e shumë të tjerë. Por ja që kësaj liste tashmë i bashkohen edhe dy këngëtaret shqiptare, Çiljeta dhe Bleona dhe lajmi tanimë është bërë publik në internet, në adresën www.thashetheme.com Në fakt nuk dihet nëse dy vajzat simpatike do të kenë një bashkëpunim të mundshëm në një të ardhme shumë të afërt me Gencin, por faktet flasin se po. Këtë e tregojnë më së miri edhe vizitat e shpeshta që po i bëjnë studios së tij dy këngëtaret.

Marre nga Bluetooth

Jennifer Lopez ka nisur që tani të mendojë për kilet e tepërta që ka marrë, të cilat menjëherë duhen humbur. Edhe pse dy binjakët e saj duan që të jetë gjatë gjithë kohës me ta dhe e përkushtuar, Lopez gjen kohë për t’u marrë edhe pak me veten, dhe një ndër prioritetet e saj tani për tani është dieta e fortë që po përgatitet të mbajë. Me shtatzëninë, nga ku lindën Mx dhe Emme, u bë që Lopez të shëndoshet me disa kilogramë më tepër, edhe pse shëndeti ishte brenda kufirit të normales. Nuk bëhet ende e ditur dieta që Lopez do të mbajë, ndërsa disa miq të saj shprehen që ajo ka thënë: “Dua të humb të gjitha kilet e marra. Si shumë vajza të tjera që kanë mbetur shtatzënë e më pas kanë lindur, dua t’i kthehem trupit tim të mëparshëm. Shpresoj t’ia arrij.

Marre nga Bluetooth